29 Desember 2023
’n Polisiebeampte het vir opslae gesorg op sosiale media, omdat hy elf mense in sy Toyota Run X – wat op die meeste 5 passasiers kan akkommodeer – vervoer het. Daar was boonop twee kinders in die kattebak. Hy is op die N2 naby Port Shepstone by ’n padblokkade afgetrek.
VehicleTrackerz – wat die storie saam met ’n video op X geplaas het – sê die polisiebeampte se motor is ook onpadwaardig.
In die video kan gesien word hoe een ná die ander uit die motor te voorskyn kom, maar die kersie op die koek was die twee kinders wat agterin die kattebak gesit het.
Hoewel die polisiebeampte wat die kinders in die kattebak ontdek het luidkeëls uitgeroep het: “Kinders in die kattebak?! Is hulle mense of bokke?”, het die kinders heel gemaklik gelyk.
Kyk die video hier:
