22 November 2021
Die Nasionale polisiekommissaris, generaal Khehla Sitole sê slegs 5000 polisiebeamptes was in Julie beskikbaar om openbare orde te handhaaf tydens die onluste, terwyl daar eintlik 12 000 lede nodig was.
Sitole het vanoggend getuig in die eerste dag van die tweede week van die Menseregtekommissie (MRK) se ondersoek na wat aanleiding gegee het tot die onluste in Gauteng en KwaZulu-Natal. Meer as 300 mense is dood terwyl miljoene rand se skade aangerig is aan infrastruktuur en besighede.
Hy het toegegee dat die polisie die onluste beter kon hanteer. Volgens hom moes die polisie van die begin af beter gevaar het.
Sitole meen die polisie het wel sukses bereik, maar nie genoeg nie. Volgens hom was dit die opstokers se modus operandi om die polisie dun te saai.
Stem vir die Aitsa’s
