16 Mei 2022
’n Polisie-reddingshond moes dié naweek met ‘n helikopter na ‘n veeartsenykundige hospitaal in Durban gebring word nadat hy, sy hanteerder en ’n familielid van ’n vermiste persoon in Nongoma – aan die KwaZulu-Natalse noordkus – deur ’n swerm bye aangeval is.
‘n KwaZulu-Natalse polisiewoordvoerder, luitenant-kolonel Nqobile Gwala, sê ‘n klag van ‘n vermiste persoon is Saterdag ontvang waarna Dante en sy hanteerder ontplooi is om aan die soektog deel te neem.
Dante is verskeie kere gesteek en het in anafilaktiese skok ingegaan. Hy het goed op behandeling gereageer en behoort eersdaags weer te kan diens doen.
Gwala sê die twee menslike slagoffers vaar ook goed na afloop van die voorval.
