17 Augustus 2022
Die Onafhanklike Polisieondersoekdirektoraat -(OPOD) sê hy ondersoek bewerings dat ‘n Oos-Kaapse polisiebeampte ‘n 17-jarige meisie verkrag het.
Volgens die Opod-woordvoerder, Grace Langa het die beampte glo die meisie by haar huis in Kei Mouth gaan oplaai omdat sy ‘n klag teen haar kêrel aanhangig wou maak.
Langa sê op pad na die polisiekantoor het die beampte glo onvanpas begin optree. Sy is na bewering by die polisiekantoor verkrag. Die slagoffer, het volgens Langa terugbaklei deur hom met gebreekte glasbottels te steek.
Sy het die uit sy kantoor gehardloop en glo aan ander polisiebeamptes gesê dat hul eie kollega haar verkrag het.
