15 Julie 2024
Die polisie is besig om ‘n gespesialiseerde eenheid op die been te bring om uitsluitlik sosiale media-platforms dop te hou waar misdadigers doenig kan wees.
Dié eenheid is die gevolg van ondersoeke en vervolging – na afloop van die 2021 onluste in KwaZulu-Natal en Gauteng – wat tot die dood van meer as 350 mense en miljarde rand se skade gelei het.
Volgens die polisiewoordvoerder, brigadier Athlenda Mathe het die uitgebreide onrus die behoefte van só spesialiseenheid onderstreep.
Mathe sê die polisie beskik reeds oor die vermoë om sosiale media dop te hou, maar dat die stigting van ‘n spesialis-eenheid dié vermoeëns sal verbeter en uitbrei.
