18 November 2021
Die polisie in Embalenhle in Mpumalanga stel ondersoek in nadat nog twee kinders dood is nadat hulle glo kitsnoedels vir ontbyt geëet het.
Die 9-jarige Thato Makofane en haar 13-jarige boetie, Keamoketswe is verlede Dinsdag kort na mekaar dood. Die polisiewoordvoerder, konstabel Busisiwe Mthethwa sê hoewel die oorsaak van die kinders se dood nog nie vasgestel is nie, glo hulle ma dat dit verband hou met die noedels wat hulle geëet het.
‘n Nadoodse sal nou gedoen word. Dié voorval kom kort nadat drie kinders, Sinothando (11), Olwami (7) en die 4 mande oue, Athenkosi verlede maand in die Oos-Kaap dood is nadat hulle ook kitsnoedels geëet het. Mthethwa sê dit is nog nie bekend of dié twee voorvalle met mekaar verband hou nie.
Stem vir die Aitsa’s
