13 September 2021
Doeanebeamptes, by die OR Tambo-Internasionale Lughawe in Kempton Park, het beslag gelê op 67 blokke kalsiumhidroksied – wat gebruik word vir die vervaardiging van kristalmetamfetamien ook bekend as “Ys” of “TIK”.
Volgens die Suid-Afrikaanse Inkomstediens (SAID) het die blokke – met ‘n gesamentlike gewig van meer as ‘n 132 kilogram – ‘n straatwaarde van meer as R40-miljoen.
Die dwelms is oorspronklik van Addis Abeba in Etiopië afkomstig en is as persoonlike besittings verklaar.
Die polisie het twee verdagtes in verband met die invoer daarvan in hegtenis geneem
Dit is die grootste dwelmvonds by dié lughawe sedert 1,7 ton mandrax – met ‘n straatwaarde van ‘n R105-miljoen – in Junie vanjaar van Kenia af onderskep is.
Stem vir die Aitsa’s
