25 November 2021
Die Suid-Afrikaanse Polisiediens sê hy is op ‘n hoë gereedheidsgrondslag en reg om ontplooi te word na KwaZulu-Natal, sou daar ‘n herhaling wees van die onluste in Julie vanjaar.
Volgens intelligensie-verslae word daar onluste en plundery oor die naweek verwag.
Die IVP se Narend Singh het gister vir die adjunkpolisieminister Cassel Mathale hieroor gepeil in die parlement.
Mathale sê die polisie is gereed sou daar weer onluste wees. Gemeenskapspolisiëringsforums (GPF) is ook reeds in gesprek met die polisie in KwaZulu-Natal oor moontlike onluste.
Tydens die onluste in Julie in Gauteng en KwaZulu-Natal is meer as 300 mense dood en miljoene Rand se skade aangerig toe oproeriges onder meer winkels geplunder en gevandaliseer.
Stem vir die Aitsa’s
