15 November 2021
Suretha Brits, die weduwee van die hotelbaas en deeltydse boer van Pofadder, Leon Brits (41), het op die eerste dag van haar verskyning in die hof skuldig gepleit op die moord-klag.
Brits het ‘n vrywillige pleitooreenkoms met die staat gesluit wat deur haar regsverteenwoordiger, advokaat Barry Roux voorgelees is.
Nadat haar pleit by die hof ingedien is, het Roux inligting oor Brits se traumatiese kinderjare aan die hof voorgehou.
LEES OOK: VERHOOR BEGIN IN NOVEMBER NÁ MOORD OP POFADDER-HOTELEIENAAR
Volgens die inligting was sy 14 jaar oud toe sy met ‘n tweeling swanger was, waarna die oorledene haar geneem het om ‘n aborsie te kry.
Hulle is getroud toe sy 19 jaar oud was en volgens haar het hulle altwee buite-egtelike verhoudings gehad.
Voorts beweer Brits dat Leon geweier het om ‘n egskeiding toe te staan toe sy hom vir een gevra het. Haar twee mede-beskuldigdes, Enrich Williams (34) en Amantle Bareki (24) verskyn saam met haar in die hof.
Leon is op 7 Oktober 2020 met ‘n hondeketting gewurg, verskeie kere met ‘n mes gesteek en in die swembad gegooi – waar sy liggaam gevind is.
Stem vir die Aitsa’s
