25 Julie 2022
President Cyril Ramaphosa het weereens gesê dat die regering binnekort ‘n plan gaan aankondig oor die kragkrisis.
Ramaphosa het gisteraand op die ANC in KwaZulu-Natal se verkiesingskonferensie gesê daar is al verskeie gesprekke gehou om met ‘n plan vorendag te kom.
‘n Aankondiging oor die plan word nou al vir die afgelope twee weke in die vooruitsig gestel.
Ramaphosa het ook gesê dat daar ‘n ekonomiese beraad beplan word, om ekonomiese verandering teweeg te bring in verskeie sleutelbedrywe.
Beurtkrag word reeds die afgelope paar weke ingestel en het ook in ‘n stadium fase 6 bereik.
