20 Mei 2022
Die organiseerders van Nampo het vanjaar 142 name van mense wat tussen 1 Maart 2019 en 28 Februarie 2022 op plase vermoor is, op die Muur van Herinnering by dié fees in Bothaville aangebring.
Hierdie name het onder meer die naam van die 21-jarige Brendin Horner ingesluit. Horner is in Oktober 2020 op die Bloukruin Boerdery in Paul Roux in die Vrystaat vermoor, waar hy ‘n voorman was.
Nampo kon nie in 2020 en 2021 plaasvind nie en daarom was die slagoffers van daardie jare vanjaar bygevoeg.
Graan SA laat jaarliks die nuwe name van plaasmoordslagoffers op die granietblaaie by Nampo Park in Bothaville graveer.
