21 April 2022
‘n Egpaar is dood nadat hulle op hul plaas in Levubu in Limpopo aangeval is, waarna die verdagtes die huis – met die paartjie daarin – aan die brand gesteek het.
Die egpaar is intussen geïdentifiseer as die 71-jarige Louis Cloete en sy 65-jarige vrou, Ina.
Volgens ‘n lid van die Vhembe-landelike veiligheidseenheid, wat anoniem wil bly het hy laat gistermiddag rook gesien wat uit die huis gekom het. Hy het in die rigting van die huis gery, waarna twee mans met die eienaar van die plaas se bakkie in sy rigting gery het.
Die lid wou by hulle weet wat by die huis aangaan waarna hulle uit die bakkie gespring het en weggehardloop het. Gesteelde vuurwapens is in die bakkie gevind.
Volgens die plaaslike koerant, die Zoutpansberger is die Cloete’s se lewelose liggame is vasgebind binne die huis gevind nadat die vlamme geblus is. Die hele huis het afgebrand.
Louis en Ina was lidmate van die Gereformeerde Kerk Louis Trichardt-gemeente.
