22 September 2022
“Nóg ʼn plaasaanval in Limpopo laat die rooi ligte flikker en alles dui daarop dat dié provinsie nou ’n teiken word vir plaasaanvallers.”
LEES OOK: VERDAGTES VASGETREK NA BOERVROU EN PLAASWERKER AANGERAND IS
Dit is volgens die VF Plus se provinsiale leier in Limpopo, Marcelle Maritz nadat ‘n bejaarde-egpaar oorval en aangerand is in hul plaaswoning tussen Musina en die Venetia-myn in die Vhembe-distrik.
Maritz sê na wat verneem word, is albei stabiel. “Die vrou is klaarblyklik die ernstigste beseer in die aanval.”
Sy sê die egpaar sal vandag per ambulans na ’n hospitaal in Pietersburg (Polokwane) gebring word vir verdere behandeling. Die VF Plus sal die familie ondersteun in hierdie moeilike tyd.
LEES OOK: PLAASMOORD-VERDAGTE DOODGESKIET
“Dit is duidelik dat die ANC-regering nie oor die politieke wil beskik om hierdie soort misdaad tot prioriteitsmisdaad te verklaar nie.”
