Die polisie is op hoë gereedheidsgrondslag in Piet Retief in Mpumalanga waar vyf mans weer vandag verskyn in verband met ‘n skietvoorval op die Pampoenkraalplaas in die Dirkiesdorp-omgewing.
Die vier boere en plaasvoorman staar onder meer twee aanklagte van moord in die gesig nadat die broers Amos en Zenzele Coka op 9 April op die plaas doodgeskiet is.
Die mans het verlede week in hulle eedsverklarings aangevoer dat hulle uit noodweer opgetree het omdat ‘n onwettige betoging volgens hulle uitgebreek het.
‘n Sesde verdagte in die saak is nog in die hospitaal nadat hy glo tydens die voorval aangerand is. Nog ‘n boer is ook glo aangerand.
Die hoof-ondersoekbeampte, adjudant-offisier Davidd Nhlapo het egter tydens sy getuienis aanvoer dat die broers na bewering tot die redding gekom het van plaaswerkers wat glo op die plaas was om vir werk te onderhandel.
Intussen word motoriste ook by ‘n padblokkade sowat vyf kilometer voor die dorp voorgekeur. Dit nadat gemoedere by alle vorige hofverskynings hoog geloop het.
