7 Oktober 2022
Die voormalige burgemeester van Johannesburg, dr Mpho Phalatse, het wéér gesê dat die ANC korrup is.
Dit volg nadat die ANC gister aangedring het dat Phalatse binne 48-uur verskoning moet vra omdat sy die ANC korrup genoem het.
LEES OOK: VOORMALIGE JHB-BURGEMEESTER NADER HOF OOR “ONWETTIGE” RAADSVERGADERING
Volgens die ANC-woordvoerder in Johannesburg, Chris Vondo, het haar uitlatings die party se karakter belaster. Vondo het ook bygevoeg dat die ANC bereid is om regstappe teen Phalatse te neem as sy nie verskoning vra nie.
Phalatse het vanoggend op haar Twitterblad beaam dat sy van mening is dat die ANC korrup is. Volgens haar het sy nie 48-uur nodig nie.
LEES OOK: ACTIONSA SÊ DAAR IS NIÉ MEER ‘N KOALISIE IN JOHANNESBURG NIE
‘n Mosie van wantroue teen Phalatse het ‘n week gelede tydens ‘n spesiale raadsvergadering geslaag. Sy het vandeesweek ‘n hofaansoek gebring om dié raadsvergadering onwettig te verklaar.
