28 Desember 2021
Pfizer en Johnson & Johnson se Covid-19-versterkingsdosisse is nou vir alle Suid-Afrikaners beskikbaar, indien hulle daarvoor in aanmerking kom.
Die versterkingsdosisse kan toegedien word ses maande nadat die tweede Pfizer dosis toegedien is.
In die geval van Johnson & Johnson kan die hupstoot-entstof twee maande ná die eerste dosis toegedien word.
Die adjunk-minister van gesondheid, Sibongiseni Dlomo sê sy departement ontvang steeds advies van wetenskaplikes oor die kwessie.
“Ons het aanvanklik gesê dat Suid-Afrikaners ouer as 60 jaar of dié met onderliggende siektestoestande eerste moet gaan vir die versterkingsdosis, maar ons doen nou ‘n beroep op alle kwalifiserende Suid-Afrikaners om hulle versterkingsdosisse te kry.”
