31 Januarie 2023
Die prys van petrol en diesel sal van middernag af styg nadat olie aansienlik duurder geword het in die oorsigperiode – weens die toename in die vraag daarna in Sjina.
Die departement van minerale hulpbronne en energie het aangekondig dat albei grade petrol met 28-sent per liter gaan styg, terwyl die groothandelprys van diesel met tussen ‘n sent per liter – en 9-sent per liter – styg afhangende van die swawelinhoud daarvan.
Paraffien sal met 58-sent per liter styg, en die maksimum kleinhandelprys van LP-gas sal met R1,40 per kilogram daal.
Die jongste verhoging sal daartoe lei dat petrol in Gauteng nou R21,68 per liter sal kos.
