30 Mei 2024
‘n Persoon is dood nadat hy in die enjin van ’n KLM-vliegtuig geval het wat op die punt was om van die Schiphol-lughawe in Amsterdam te vertrek.
Berading is aangebied vir passasiers en bemanning aan boord wat die voorval gesien gebeur het.
Plaaslike media berig dat dié vliegtuig – wat op pad was na Billund in Denemarke – besig was om terug te stoot.
Dit is nie op dié stadium duidelik óf die persoon geval of gespring het nie, en ook nie of hy ‘n passasier of ‘n werknemer was nie. Nederland se militêre polisie ondersoek ook tans die voorval.
