14 Maart 2024
’n Nuwe verslag van The Global Mind Project wat handel oor die geesteswelstand van ongeveer 400 000 mense in 71 wêreldlande dui daarop dat geesteswelstand sedert 2020 afgeneem het.
Die Covid-19-pandemie is een van die grootste redes vir mense se ongelukkigheid.
Die land met die ongelukkigste mense is Oesbekistan gevolg deur die Verenigde Koninkryk en Suid-Afrika is in die derde plek.
In die vierde plek is Brasilië, gevolg deur Tadjikistan, Australië, Egipte, Ierland, Irak en Yemen.
Die peiling bepaal ook die 10 lande met die gelukkigste landsburgers. Die land met die gelukkigste landsburgers, volgens die peiling, is die Dominikaanse Republiek, gevolg deur Sri Lanka in die tweede plek en derde is Tanzanië.
Panama, Maleisië, Nigerië, Venezuela, El Salvador, Costa Rica en Uruguay het ook die lys gehaal.
Foto: BBC News
