6 Oktober 2024
‘n Peiling deur die Social Research Foundation het bevind dat die minister van sport, kuns en kultuur, Gayton McKenzie tans die land se derde gewildste leier is.
President Cyril Ramaphosa en oud-president Jacob Zuma beklee steeds die eerste en tweede posisies.
Dié peiling, waarin kiesers gevra is of hulle politieke leiers in ’n gunstige lig beskou, is in September onder ‘n 1 204 geregistreerde kiesers gedoen en het ’n foutspeling van 3%.
Hy word sedert sy verkiesing as minister by talle sportgeleenthede gesien. In ‘n peiling in Mei vanjaar het 5,9% van kiesers, McKenzie in ‘n positiewe lig beskou. Die ondersteuning vir McKenzie het nou gestyg tot 19,2%.
Net na sy verkiesing as minister, het McKenzi die departement se inisiatief stopgesit waarin sogenaamde super aanhangers met belastingbetalers se geld na internasionale sportgeleenthede reis. Een só ‘n aanhanger is Mama Joy.
Die aansien van die meeste politieke leiers wat deel van die Regering van Nasionale Eenheid vorm, het ook sedert Mei verbeter.
In een vraag word respondente gevra of hulle dink dat die RNE baie goed, goed, sleg of baie sleg vaar. Dit wil voorkom asof die meeste respondente, van verskillende rasse, positief is oor die RNE, en meen hulle vaar redelik goed.
