10 September 2021
Een van die vyf boere wat na verwagting vandag in Parys in die Vrystaat gevonnis word – het na bewering aan elk van die slagoffers se familie – R20 000 as skadevergoeding aangebied na die dood van Simon Tjixa (35) en Simon Jubeba (29).
Die twee mans het aan hulle beserings beswyk nadat hulle in 2016 deur ‘n groep mans aangerand is.
LEES OOK: PARYS-BOERE DALK MÔRE GEVONNIS
Boeta van der Westhuizen (51), Anton Loggenberg (55), Cor Loggenberg (24), Loedie van der Westhuizen (23) en Miela Jansen van Vuuren (28) is verlede jaar skuldig bevind aan onderskeidelik aanranding, en aanranding met die doel om ernstig te beseer.
Die voorval spruit uit ‘n plaasaanval wat op Boeta se pa, Loedie sr. se plaas, Biesiespruit plaasgevind het. Loedie sr. was 72 jaar oud ten tyde van die voorval.
Die kwessie van vergoeding het aan die lig gekom tydens die voorlegging van bewyse ter strafversagting wat deur regter Corné van Zyl in ag geneem moet word.
Stem vir die Aitsa’s
