15 Januarie 2025
Die DA en ActionSA eis antwoorde oor die aankoop van ‘n Pretoriase boetiekhotel van R23-miljoen-rand deur die polisie se misdaadintelligensie-eenheid.
Volgens die DA-LP, Dianne Kohler Barnard, is dié transaksie nie aan die Parlement bekend gemaak nie.
Die eenheid het die parlement se portefeuljekomitte oor polisie verlede jaar in Novemebr oor sy eiendomsportefeulje ingelig, maar het toe ook geen melding daarvan gemaak nie.
Kohler Barnard sê dit wil voorkom of die aankoop gedoen is sonder om eers die departement van openbare werke te nader om navraag te doen oor leë staatseiendom wat as kantoorruimte gebruik kan word.
Sy het aan die inspekteur-generaal vir intelligensie, Imtiaz Fazel, geskryf om ondersoek in te stel.
Die LP van Action SA, Dereleen James het intussen gesê haar party het die Onafhanklike Polisie-ondersoekdirektoraat genader om dieselfde saak te ondersoek.
James sê hoewel die operasionele doel van die aankoop onduidelik was, was daar moontlik korrupte motiewe agter die verkryging.
