24 Januarie 2022
Die LUR vir gemeenskapsveiligheid in die Wes-Kaap Albert Fritz, is geskors.
Die premier van die provinsie, Alan Winde het gisteraand in ‘n verklaring laat blyk dat Fritz met onmiddelike ingang geskors is, na sekere bewerings oor Fritz onder Winde se aandag gebring is.
Dit is nie seker wat Fritz gedoen het nie.Fritz het sy skorsing aanvaar.
Winde sê ‘n ondersoek na die bewerings is reeds van stapel laat loop.
Die politieke party Good sê intussen dat Winde die skorsing van Fritz moet verduidelik.
Die party se Brett Herron sê die premier moet sê of die bewerings te doen het met Fritz se hoedanigheid as LUR, en of dit persoonlik van aard is.
