Panyaza Lesufi ontken bewerings teen hom

6 April 2021

Die LUR vir onderwys in Gauteng, Panyaza Lesufi ontken ten sterkste dat hy regeringstenders aan mense belowe het. 

Hy sê die bewerings word gemaak deur mense wat sy politieke karakter wil aanval.

Lesufi se beloftes oor regeringstenders het op die lappe gekom na ‘n stemopname uitgelek het, waar tydens hy ‘n vergadering met die organisasie Sanco sy departement se tenders bespreek het. 

Unfortunately in a democratic society the accuser doesn’t need to proof their allegations but the accused must proof their innocence. I take my work and my commitment to serve so serious that it’s clear it’s becoming a pain to my enemies something I have no control over. pic.twitter.com/aJsA4cDymY

— Panyaza Lesufi (@Lesufi) April 4, 2021

Die DA het intussen ‘n beroep op diegene met bewyse gedoen om strafregtelike klagte teen Lesufi aanhangig te maak. 

Die vakbond Solidariteit, die onderwysersvakbond EUSA en die EFF het ook intussen geëis dat Lesufi in die pad gesteek moet word. 

Solidariteit se bestuurshoof, dr. Dirk Hermann sê Solidariteit-lede gee hulle bes om kinders uitnemend, in uiters moeilike omstandighede, te onderrig. Hy meen terwyl hulle skool gee, help die LUR om hulle hulpbronne te plunder.

Volgens Hermann is dit ‘n misdaad teen onderwysers, kinders en ouers.