14 November 2024
AfriForum sê dit is onaanvaarbaar dat ‘n Gautengse kleinsake-eienaar reeds twee jaar wag vir ‘n dranklisensie, ‘n aansoekproses wat hoogstens 90 dae te neem.
Die organisasie sê hy eis antwoorde by die Gautengse Drankraad (GLB) oor waarom die proses reeds so lank sloer, maar soek ook duidelikheid oor bewerings van omkopery wat by dié raad plaasvind.
‘n Veldtogbeampte vir korrupsie by die organisasie, Charné Mostert sê weens die onduidelikhede het hy ook vandag ’n aansoek ingevolge die Wet op die Bevordering van Toegang tot Inligting (PAIA) by die raad ingedien.
Die betrokke kleinsake-eienaar, wie se naam om veiligheidsredes weerhou word, het sy aansoek in Januarie 2023 ingedien en sukkel steeds om duidelike kommunikasie by die drankraad te kry oor sy aansoek.
In sy PAIA-aansoek versoek AfriForum die GLB om volledige inligting te voorsien oor die agterstand van dranklisensie-aansoeke en om aan te dui hoeveel aansoeke die afgelope twee jaar ontvang en goedgekeur is.
Mostert meen die GLB buit eerlike ondernemings wat aansoek om dranklisensies doen, uit.
“Wetgehoorsame individue se dranklisensie-aansoeke word afgekeur of sloer voort, terwyl amptenare van die drankraad na bewering omkoopgeld van aansoekers eis om aansoeke goed te keur. Dít terwyl onwettige alkoholverkopers telkens onverpoos voortgaan met hul onwettige aktiwiteite.”
