18 Januarie 2022
Die minister van vervoer, Fikile Mbalula het sy medelye betuig met die naasbestaandes van mense, wat gedurende die feestyd op die land se paaie dood is.
Volgens hom het die sterftes met 14% toegeneem tot 1 685. Rakende padsterftes het die aantal sterftes in sewe provinsies toegeneem, terwyl dit in die Oos-Kaap en KwaZulu-Natal afgeneem het.
Die minister het vanoggend die Feestyd padsterftesyfer bekend gemaak. Limpopo het ‘n toename van 16,5% in sterftes aangemeld met ‘n totaal van 226 mense wat hulle lewens in die provinsie verloor het. In Gauteng is 275 mense dood. Dit is ‘n toename van 15,5%. Die sterftes in die Wes-Kaap het met 55,6% toegeneem tot 207.
Volgens Mbalula is 21 431 boetes uitgereik aan motoriste wat nie hulle veiligheidsgordels gedra het nie. 22 766 mense het boetes ontvang omdat hulle sonder ‘n geldige rybewyse bestuur het.
Meer as 4 200 onpadwaardige voertuie is permanent van die pad afgehaal. Mbalula sê 1 586 motoriste is in hegtenis geneem omdat hulle onder die invloed van alkohol bestuur het, terwyl meer as 6 000 vir die oortreding van die spoedgrens vasgtrek is.
