17 Januarie 2023
Die minister van vervoer, Fikile Mbalula het vanmiddag die padsterftesyfer vir die pasafgelope feesseisoen bekend gemaak.
In dié tydperk – wat op 1 Desember 2022 begin het en tot 11 Januarie vanjaar geduur het – is daar 1451 mense op die land se paaie dood.
Dit is ‘n verlaging van 13,9% van verlede jaar se 1680 slagoffers.
Van dié slagoffers was 41% voetgangers.
Terwyl daar ‘n afname in die sterftesyfer in agt provinsies aangeteken is, is dit net in Gauteng waar die padsterftesyfer hoër was as verlede jaar – waar dit van 275 na 290 gestyg het.
In die Wes-Kaap – waar die padsterftesyfer die meeste gedaal het – was dit 36,7% laer en het dit van 207 gedaal tot 131.
