7 Junie 2021
Die minister van vervoer, Fikile Mbalula, sê hoewel die Padongelukfonds steeds diep in die moeilikheid is, is daar ‘n verbetering en oorskry dié fonds se inkomstes sy uitgawes vir die eerste keer in nagenoeg veertig jaar.
In die 2020/2021 boekjaar het die fonds ‘n oorskot van R3,2-miljard aangeteken vergelede met ‘n verlies van R5,2-miljard die voorafgaande boekjaar.
Die Padongelukfonds verkry sy inkomste vanuit belasting in die vorm van ‘n brandstofheffing en nagenoeg 60% van sy uitgawes bestaan uit die uitbetaling van eise. Die res van sy uitgawes bestaan uit regs- en administratiewekoste en mediese uitgawes.
Naas Eskom is dié fonds die land se grootste enkele las deurdat dit ongeveer R322-miljard se aktuariële aanspreeklikheid opgedoen het.
Mabalula sê daar word goeie vordering gemaak met die fonds se strategiese omkeerplan en die oorskot in die vorige boekjaar is ‘n aanduiding daarvan.
