1 April 2021
Nagenoeg 1600 motors beweeg reeds per uur deur die Mooirivier tolplaza in KwaZulu-Natal met motoriste, wat hulle weg baan na hul Paasnaweek-bestemmings.
Die LUR vir vervoer in die provinsie, Peggy Nkonyeni sê duisende mense besoek hierdie naweek KwaZulu-Natal en dat die plaaslike regering hul met ope arms verwelkom.
Volgens haar is verkeersowerhede ook reeds op hoë gereedheidsgrondslag.
In Gauteng is die paaie ook reeds besig met motoriste wat die provinsie verlaat en binnekom. Die Gautengse verkeerspolisie het ‘n beroep op motoriste gedoen om waaksaam te wees.
Die woordvoerder van die verkeerspolisie, Sello Maremane sê die N3 van Johannesburg na Durban, die N12 tussen Johannesburg en Potchefstroom en die N4 van Pretoria na onderskeidelik Rustenburg en Mpumalanga sal veral besig wees.
Hy sê die Gautengse Verkeerspolisie sal ook op hoë gereedheidsgrondslag wees.
Die paaie sal waarskynlik baie besig wees reeds vanaf vandag tot Maandag, 5 April.
Gedurende 2020 se Paasnaweek is 28 mense op Suid-Afrika se paaie oorlede – ‘n 82% afname van die 162 sterftes gedurende 2019 se Paasnaweek. Verlede was daar egter byna geen mense op die paaie nie weens die staat van inperking.
