7 Maart 2023
‘n Paartjie, wat by die departement van binnelandse sake in Kaapstad getrou het, is deur betogers van die Nasionale Onderwys, Gesondheid en Geallieerde Werkersunie, oftewel Nehawu met liedere begroet.
‘n Sosiale media-gebruiker wat gistermiddag die oomblik vasgevang het, Barry James Mitchell het op Twitter geskryf dat die paartjie se huwelik geseën is met gesange in die middel van ‘n krisis.
Lede van Nehawu betoog tans weens hulle eise vir ‘n salarisverhoging. In die video kan gesien word hoe die pasgetroude paartjie, geklee in ‘n troupak en trourok die gebou verlaat en dan deur die betogers verwelkom word.
