7 April 2021
Die land se hoofkiesbeampte, Sy Mamabolo het gesê die munisipale verkiesing moet voor 1 November vanjaar plaasvind.
Hy het dié uitlating tydens ‘n laataandsitting van die parlementêre portefueljekomitee oor plaaslike regering gemaak.
Mamabolo sê die wet bepaal dat ‘n munisipale verkiesing binne negentig dae gehou moet word na afloop van die vyfjaartermyn wat gevolg het op die vorige landswye verkiesing.
Volgens hom is alle nuwe wyke reeds in Desember afgebaken hoewel daar nog nie honderd-persent tevredenheid daarmee is nie.
Tussenverkiesings gaan intussen voort met vyftien tussenverkiesings later vandeesmaand en veertig tussenverkiesings wat op 19 Mei plaasvind.
Vanjaar sal politieke partye meegeding om agt metrorade, 205 munisipaliteite en 44 distriksrade.
