18 Junie 2024
Die Onafhanklike Verkiesingskommissie het verwarring uitgeklaar oor die totale aantal stemme wat op sy verkiesingsuitslaeplatform weerspieël word.
Dit nadat nuwe syfers op die OVK se uitslagblad verskyn het ten opsigte van die aantal kiesers wat hulle stem in elke party se guns uitgebring het.
Die verwarring het ’n herrie op sosiale media ontketen, wat die OVK genoop het om duidelikheid oor die saak te verskaf.
Die nuwe syfers op die OVK se uitslaeblad weerspieël eenvoudig beide nasionale en streekstembriewe wat ten gunste van elke party uitgebring is.
Dit nadat die uitslae aanvanklik net die nasionale stembriefuitslae weerspieël het.
Net meer as 16-miljoen geregistreerde kiesers het gestem, wat sowat 31,92-miljoen stembriewe oor die nege streeks- en een nasionale stembriewe uitgebring het.
