11 April 2024
Die Organisasie teen Belastingmisbruik, OUTA, is een van die organisasies wat duidelikheid soek oor wat met agterstallige e-tolskuld gaan gebeur wanneer dié stelsel vanaand afgskakel gaan word.
Die minister van vervoer, Sindisiwe Chikunga, het egter gewaarsku dat motoriste se agterstallige e-tolskuld steeds ingevorder sal word.
OUTA sê dit is nie duidelik hoe die agterstallige skuld ingevorder sal word nie aangesien die Suid-Afrikaanse Nasionale Padagentskap, SANRAL, reeds in 2019 opgehou het om dagvaardings vir agterstallige skuld uit te stuur.
LEES OOK: OMSTREDE E-TOL-STELSEL GROET MÔRE OM MIDDERNAG
Die uitvoerende hoof van OUTA, Wayne Duvenage, sê hy trek die bestaan van historiese skuld in twyfel omdat SANRAL se finansiële state volgens hom daarop wys dat agterstallige skuld jare gelede afgeskryf is.
Op sy beurt het die VF Plus se LPW, adv. Anton Albert gesê sý party sal ‘n regsmening inwin oor watter stappe gedoen kan word om skuld af te skryf – en geld wat reeds deur padgebruikers betaal is – terug te vorder.
