19 Julie 2022
Polisiebeamptes is ontbied na die Job Rathebe Sekondêre Skool in Orlando in Soweto te midde van betogings deur ontevrede inwoners.
Ouers en lede van die beheerliggaam het die skool gesluit soos wat kinders gereed gemaak het om vanoggend met die derde kwartaal te begin.
Die betogers eis dat die LUR vir onderwys in Gauteng, Panyaza Lesufi hulle moet kom toespreek oor die verskeie kwessies by die skool. Die polisie is ontbied nadat ‘n leerling, saam met sy ouers by die skool opgedaag het met ‘n vuurwapen.
Volgens die polisiewoordvoerder, kaptein Mavimbela Masondo het hulle egter ontdek dat die kind ‘n speelgoedgeweer gehad het. Die speelding is in beslag geneem en die kind is gewaarsku.
‘n Lid van die beheerliggaam, Myron Shongwe sê hulle is baie ontevrede met die skoolhoof en meen sy is gedurig siek.
