27 Januarie 2025
Die Grensbestuursowerheid en die Suid-Afrikaanse Inkomstediens het bedrywighede by die Oshoek-grenspos by Eswatini (voorheen bekend as Swaziland) tydelik gestaak ná ‘n ernstige ongeluk waarby ‘n 32-ton-steenkoolvragmotor gisteroggend betrokke was.
Die Vragmotor het na bewering weens remversaking by die Eswatini hawe, in 10 stilstaande voertuie gebots, insluitend vier SAID-voertuie en ’n SANW-bakkie en het aansienlike skade veroorsaak.
Die kommissaris van die Grensbestuursowerhed, Michael Masiapato, het bevestig dat alle bedrywighede by die hawe opgeskort is sodat die Suid-Afrikaanse Polisiediens die toneel kon ondersoek en bewyse insamel.
Reisigers en vragmotorbestuurders word aangeraai om alternatiewe grensposte te gebruik, soos Nerston, Mahamba, Jeppes Reef en Lebombo.
