31 Maart 2022
Die burgerregteorganisasie Forum 4 Service Delivery sê hy sal regshulp aanbied aan die voormalige student Sibongile Mani (32) nadat sy gister vyf jaar gevangenisstraf opgelê is vir diefstal.
Die streekshof in Oos Londen het bevind dat Mani herhaaldelik oortree het deur die geld te spandeer wat verkeerdelik deur die Nasionale Studente Finansiële hulpskema (NSFAS) aan haar oorbetaal is. Sy moes ‘n toelaag van R1400 ontvang, maar het eerder ‘n R14-miljoen rand “toelaag” gekry en versuim om dié fout aan te meld.
LEES OOK: VOORMALIGE STUDENT GEVONNIS NÁ R14-MILJOEN NSFAS-FOUT
Sy het in 72 dae meer as R818 000 van die NSFAS geld spandeer aan onder meer elektriese toebehore, alkohol en sigarette.
Forum 4 Service Delivery sê Mani hou nie ‘n gevaar vir die samelewing in nie, en is ‘n eerste oortreder.
Die organisasie sê dit is onregverdig dat sy nou in ‘n oorvol tronksel haar vonnis moet uitdien.
