13 Augustus 2021
Die minister van minerale bronne en energie, Gwede Mantashe het die regulasies vir selfopwekking van elektrisiteit in die Staatskoerant gepubliseer.
Volgens die regulasies kan ondernemings nou hul eie krag opwek, tot en met die perk van 100 Megawatt.
Dit beteken dat groot kragverbruikers soos myne en smelters oor die volgende maande voluit sal kan werk om in hul eie behoeftes te voorsien.
Die VF Plus het in reaksie hierop gesê dat hierdie verwikkeling later ‘n waterskeidingsoomblik in Suid-Afrika se geskiedenis kan beteken.
VF Plus-LP en hoofwoordvoerder oor minerale hulpbronne en energie, dr. Wynand Boshoff sê selfbeskikking is ‘n politieke denkbeeld wat slegs werklikheid kan word indien dit ‘n ekonomiese basis het. “‘n Belangrike struikelblok om daardie basis te bou, is nou uit die weg geruim,” sluit Boshoff af.
Hou Afrikaans op die lug
