4 Februarie 2022
Die 31-jarige vrou, wat daarvan beskuldig word dat sy na bewering die model, Olivia Sieff in Claremont doodgery het, is op borgtog van R3000 vrygelaat.
Die woordvoerder van die Nasionale Vervolgingsgesag (NVG), Eric Ntabazalia het aan Pretoria FM bevestig dat Onesimo Makhubalo vanoggend in die Wynberg landdroshof verskyn het.
LEES OOK: VROU IN HEGTENIS GENEEM NA MODEL DOODGERY IS
Die 18-jarige Sieff is in die vroeë oggendure van 30 Januarie buite die Tin Roof nagklub in ‘n tref-en-trap voorval doodgery toe sy glo probeer het om die pad oor te steek. Makhubalo is in hegtenis geneem nadat haar motor glo op kringtelevisie-beeldmateriaal vasgevang is.
Volgens Ntabazalia is die saak tot 25 Mei 2022 uitgestel.
