19 September 2022
Die vragmotorbestuurder wat betrokke was in die botsing waarin 21 mense Vrydag in Pongola dood is, bly in aanhouding.
Dit volg nadat hy vanoggend in die landdroshof op dié dorp in KwaZulu-Natal verskyn het.
Hy moet 26 September weer in die hof verskyn wanneer sy borgtogaansoek aangehoor sal word.
LEES OOK: KYK: VRAGMOTORBESTUURDER IN HOF NÁ GRU-ONGELUK
Die ondersoekbeampte het ook gevra vir uitstel vir verdere ondersoek.
Die verdagte het homself aan die polisie oorgegee waarna hy in hegtenis geneem is.
In ‘n video wat die rondte op die sosiale media doen kan gesien word hoe die vragmotor teen ‘n hoë spoed in ‘n bakkie vasry.
Die meeste van die oorledenes was skoolkinders wat op die bakkie vervoer is.
