9 November 2022
Die polisie en ander nooddienste is nog op die toneel ná ‘n transitorooftog vanoggend op die N4.
Die voorval het omstreeks 10:00 plaasgevind in die omgewing van die Rossouwstraatafrit en die Gordon Verster-brug op die N4-oos.
Volgens ooggetuies het ‘n onbekende hoeveelheid verdagtes ‘n transitogeldwa opgeblaas en verskeie skote afgevuur. Dit is in hierdie stadium nie bekend of enige iemand tydens die voorval beseer is nie.
‘n DA-raadslid in die omgewing, Ben Chapman, sê motoriste word aangeraai om die area te vermy.
Klankkoerant-verslaggewer, Anton Meijer, wat tans op die toneel is het bevestig dat brandweerdienste ook opgedaag het nadat ‘n motor aan die brand geslaan het.
Foto’s: Anton Meijer en verskaf.
