24 Junie 2022
‘n Ma is in hegtenis geneem nadat twee van haar kinders en hulle pa van Bethlehem, dood is nadat hulle boontjiesop geëet het.
Haar 21-jarige suster is ook vroeër vasgetrek.
Die twee dogters, onderskeidelik 10- en 14 jaar oud is deur onderwysers van die Utopia Plaasskool na die Phekalong-hospitaal in Bethlehem geneem, terwyl die pa by die werk dood is. ‘n Derde meisie – 11 jaar oud – word steeds in die hospitaal behandel.
Die familie se troetelkat is ook dood nadat hy ook van die sop geëet het.
Die ma en die tannie verskyn vandag saam in die Bethlehem landdroshof.
