5 Junie 2024
Die minister van sport, kuns en kultuur, Zizi Kodwa, en sy medebeskuldigde, die voormalige hoof van die tegnologiemaatskappy EOH Holdings, Jehan Mackay is op borgtog vrygelaat.
Hulle het in die gespesialiseerde handelshof in Johannesburg verskyn nadat Kodwa hom vanoggend aan die Valke oorgegee het.
Sy naam is een van die talle name van hooggeplaaste politici wat in die Zondo-kommissie van ondersoek na staatskaping se verslag verskyn.
Kodwa word daarvan beskuldig dat hy kontrakte toegeken het aan EOH en omkoopgeld van R1,7-miljoen daarvoor ontvang het.
Mackay het glo vir Kodwa se luukse vakansies betaal.
FOTO: MDN News
