20 Oktober 2021
Die familie van die vier seuns, wat vanoggend op pad skool toe ontvoer is, het ‘n beroep op mense gedoen om die polisie met hul soektog by te staan.
Die vier broers, Zia (15), Alaan (13), Zayyad (11) en Zidan (6) is die seuns van die Pietersburg (Polokwane) sakeman, Nazim Moti. Hy is die eienaar van Auto Moti. Die seuns was omstreeks 07:00 vanoggend saam met hulle 64-jarige motorbestuurder op pad na hulle skool, Curro Heuwelkruin toe hulle glo gekaap is.
LEES OOK: VIER KINDERS GLO OP PAD SKOOL TOE ONTVOER
Die kinders en die bestuurder was in ‘n silwer/ grys BMW toe hulle glo deur verdagtes in ‘n wit Kia Sorento en swart Mercedes Benz van voor en agter versper is. Luidens berigte het ongeveer sewe verdagtes glo uit die twee motors gespring en op die BMW begin skiet. Nie een van die twee voertuie het nommerplate nie.
Moti en sy vrou, Shakira het by monde van hulle regsverteenwoordiger, Philip Smit gesê dat hulle steeds wag op ‘n moontlike eis vir ‘n losprys.
Stem vir die Aitsa’s
