7 Oktober 2021
Die burgemeester in die Zululand distriksmunisipaliteit, Thulasizwe Buthelezi het teruggekap na berigte dat sy munisipaliteit glo R5-miljoen bestee het aan ‘n sakeontbyt.
Die LUR vir samewerkende regering in KwaZulu-Natal, Sipho Hlomuka het vroeër aangevoer dat sy departement die beweerde luukse ontbyt ondersoek, wat verlede week by die Elangeni hotel in Durban gehou is.
LEES OOK: MUNISIPALITEIT SE “R5 MILJOEN-ONTBYT” WORD ONDERSOEK
Hlomuka het aangevoer dat die raad nié goedkeuring vir die funksie gegee het nie. Die burgemeester sê egter dat Hlomuka leuens vertel. Volgens Buthelezi is die LUR se bewerings nié op feite gegrond nie.
Volgens hom was die doel van die ontbyt om beleggers te nader om te belê in die Zululand distriksmunisipaliteit. Hy meen dié ontbyt het slegs 137-duisend rand gekos om te hou, maar het beleggings van meer as 600-miljoen rand verseker.
Stem vir die Aitsa’s
