23 Augustus 2022
Die burgerregteorganisasie AfriForum versoek dat Eskom alternatiewe metodes moet ondersoek om gelde vanaf die Tshwane-metro in te vorder eerder as om die krag af te sny.
Die organisasie het vandag hierdie versoek in ’n brief aan Eskom gerig.
Dit volg op Eskom se kennisgewing waarin die nutsmaatskappy dreig om die Tshwane-metro se krag af te sny. Volgens Eskom het die metro versuim om hul ooreenkoms met Eskom na te kom en hul maandelikse betalings te maak.
Luidens ‘n verklaring van AfriForum sal daar drastiese nagevolge wees vir die inwoners van Pretoria, wat wel elke maand getrou hul rekeninge betaal, indien die krag afgeskakel word.
Die metro het ’n agterstallige rekening van R1,6-miljard rand waarvan R68-miljoen reeds aan Eskom betaal is.
Intussen die metro in ‘n verklaring gesê dat die verskuldige bedrag slegs vir Julie is en dat alle vorige skuld reeds vereffen is.
