27 September 2021
Die DA het ‘n beroep op die Onafhanklike Verkiesingingskommissie (OVK) asook die polisieminister Bheki Cele gedoen om op te tree teen die EFF, wat gister sy verkiesingsmanifes bekend gestel het.
Sowat 2 000 EFF ondersteuners het die geleentheid in Ghandi plein in Johannesburg bygewoon, ongeag die inperkingsregulasies wat die getal mense by byeenkomste beperk.
Die DA se hoofsweep Natasha Mazzone sê die OVK moet die EFF verantwoordbaar hou, en dat die party se optrede die vryheid en regverdigheid van die verkiesing ondermyn.
Volgens die huidige vlak 2 regulasies mag slegs 500 mense buite byeenkom. Die EFF het intussen ook sy hoofgebou in Johannesburg na Winnie Madikizela-Mandela vernoem en haar verjaarsdag gister gevier. Sy sou 85 jaar oud word.
Stem vir die Aitsa’s
