15 Augustus 2022
Die Onafhanklike Polisieondersoek-direktoraat (Opod) stel ondersoek in na beweerde polisie-geweld in die Wes-Kaap.
Dit kom na ‘n video die afgelope naweek versprei is waarin ‘n man na bewering deur polisiebeamptes in Vishoek aangerand is. In die video smeek ‘n vrou dat die polisie die man moet laat gaan, maar die polisie hou glo aan om hom aan te rand.
Die man sê hy weet nie waarom hy aangerand is nie omdat hy glo net ‘n vermiste persoon-saak aanhangig wou maak. Opod sê die saak word ondersoek.
