21 Julie 2023
Dele van die bekende komponis, Ludwig von Beethoven, se skedel is aan Wene in Oostenryk terugbesorg, nadat ‘n Amerikaner die gragmente geërf het.
Paul Kaufmann het die fragmente aan die Mediese Universiteit van Wene geskenk waar navorsers die siektes sal ondersoek waaraan die komponis gely het en ook die oorsaak an sy afsterwe sal probeer bepaal.
Beethoven is in 1827 op 56-jarige ouderdom oorlede en het lewenslank met siektes gesukkel. Hy het gevra dat sy liggaam bestudeer word na sy afsterwe.
‘n Familielid van Kaufmann het glo die beendere in 1863 bekom toe Beethoven se liggaam opgegrawe is. Die beendere sal ontleed word om te bevestig dat dit wel aan die komponis behoort het.
