9 November 2022
‘n Oos-Kaapse ma is in hegtenis geneem in verband met die moord op haar vier kinders.
Volgens die polisie se voorlopige ondersoek, vermoed hulle dat die kinders met ‘n voorhamer aangerand is.
Die polisie het die 32-jarige vrou saam met die liggame van haar kinders, wat tussen twee en 11 jaar oud was, in ‘n rondawel in die plattelandse gebied van Mhlabubomvu gevind.
Owerhede is tans besig om die omstandighede rakende die kinders se dood te ondersoek.
Die verdagte sal na verwagting binnekort in die Engcobo-landdroshof verskyn.
