29 Oktober 2024
‘n Gautengse ma en dogter, wat die afgelop naweek as vermis aangemeld is ná ‘n aanval in hulle huis op ‘n kleinhoewe, se liggame is in ‘n oopgroef-mynskag gevind.
Hester (52) en haar ma, die 82-jarige Cecilia Johanna Flemming is Saterdag uit hulle huis in Eikenhof ontvoer. Dié gebied is nagenoeg 20 minute van Sandton in Johannesburg geleë.
Die polisiewoordvoerder, kolonel Mavela Masondo sê die Kliprivier-polisie ondersoek ‘n saak van huisroof, ontvoering en die diefstal van motorvoertuie.
Hy sê een verdagtes is die naweek by ‘n informele nedersetting in hegtenis geneem, nadat van die items wat by die huis geroof is, in sy besit gevind is. Die verdagte het reeds gister vlugtig in die hof verskyn. Volgens Masondo word nog drie mans ondervra.
